Þetta er óheilbrigt. Það er eðlilegt að þurfa tíma til að jafna sig eftir rifrildi en það er óheilbrigt að hunsa makann og hjálpar ekki til við að leysa úr ágreiningnum. Í sambandi er mikilvægt að geta leyst úr ágreiningi á heilbrigðan máta með því að tala saman um vandamálið. Ef þetta gerist ítrekað er það andlegt ofbeldi .

Þetta er óheilbrigt. Það er óheilbrigt að ætlast til þess að vera í stöðugu sambandi þrátt fyrir að þið séuð saman. Þú átt rétt á því að fá frið og svara þegar hentar þér. Hinum aðilanum í sambandinu ber að virða það. Ef þetta gerist ítrekað er það andlegt ofbeldi.

Þetta er óheilbrigt. Það er óheilbrigt að ætlast til þess að eyða öllum stundum saman og fá sínu fram með því að fara í fýlu. Þótt þið séuð í sambandi er mikilvægt að fá tíma til að sinna áhugamálunum sínum og að verja tíma með öðru fólki. Í þessum aðstæðum er mikilvægt að ræða saman og virða rými hvors annars. Ef þetta gerist ítrekað er það andlegt ofbeldi.

Þetta er óheilbrigt. Það er óheilbrigt að bregðast við því hvernig makinn þinn tjáir sig, klæðir sig eða gerir hlutina út frá afbrýðisemi. Ef þú upplifir afbrýðisemi í sambandi er mikilvægt að taka ábyrgð og vinna úr afbrýðiseminni án þess að láta hana bitna á makanum. Þótt þið séuð í sambandi eruð þið ennþá sjálfstæðir einstaklingar sem ráðið yfir ykkur sjálf. Ef þú stjórnar því hvernig makinn þinn tjáir sig, klæðir sig eða gerir hlutina er það andlegt ofbeldi.